Ingresa en prisión un ferrolán acusado de estafa e roubo que tentou atropelar a Garda Civil

Un veciño de Ferrol con numerosos antecedentes e ordes de procura ingresou en prisión tras ser detido nun operativo acusado de estafa e roubo e despois de que tentase atropelar os axentes da Garda Civil que trataban de detelo.

Segundo informou o corpo, o operativo arrincou o pasado mes de xullo, cando a Garda Civil recibiu tres denuncias por sustración de vehículos. Segundo informaron as vítimas, un home contactara con eles a efectos de comprarlles un vehículo de segunda man.

Tras acordar o importe de compra, o home achegaba unha documentación falsa e un xustificante igualmente falso de ingresar a cantidade de diñeiro, tras o que subtraía o vehículo e vendíao despois a unha terceira persoa por un prezo inferior ao de mercado.

Os axentes puideron identificar como autor dos feitos a un home, veciño de Ferrol, ao que lle constan 16 ordenes de procura e detención e seis ordes de investigación de paradoiro e domicilio en vigor. Os axentes atribúenlle, ademais, tres roubos con forza, dúas deles consumados e un en grao de tentativa, nun establecemento de alimentación da localidade de Fene.

Cando ía ser detido, o home tratou de evadirse dos axentes e tentou atropelar a un dos gardas civís co seu vehículo. Foi ingresado no cárcere de Teixeiro en virtude dunha orde dun xulgado de Málaga.

Audiencia Provincial da Coruña.