Atopan morto ao mozo desaparecido en Ordes
Axentes da Garda Civil, persoal de emerxencias, drones da Axega, familiares e amigos levaban horas buscando a este mozo de 19 anos desaparecido na noite do sábado ao domingo após participar nunha cea do Nadal da súa empresa.
Por Europa Press / Redacción | SANTIAGO DE COMPOSTELA | 24/12/2019 | Actualizada ás 11:03
O mozo desaparecido en Ordes foi atopado morto na mañá deste martes na parroquia de Leira, onde foi visto por última vez.
Así o confirmou a Europa Press o alcalde do municipio, José Luís Martínez, quen explica que o corpo foi achado sobre as 9,50 horas deste martes no marco dun amplo dispositivo de búsqueda.
Axentes da Garda Civil, persoal de emerxencias, drones da Axega, familiares e amigos levaban horas buscando a este mozo de 19 anos desaparecido na noite do sábado ao domingo após participar nunha cea do Nadal da súa empresa. Unha vez concluída, pediulle a un compañeiro que o deixase na parroquia de Leira, en Ordes.
O alcalde dirixiuse ao lugar no que apareceu o corpo, no que se atopan diversos equipos de emerxencias e forzas da orde que participaban no dispositivo. Fontes da Garda Civil explican que o falecido foi achado por un grupo de voluntarios no monte de Ardemil, na zona de Brumeiral.
