Por E.P. | A CORUÑA | 26/12/2019 | Actualizada ás 17:31
A investigación da Garda Civil ratificou que o matrimonio de Curtis e o seu fillo faleceron debido "a unha intoxicación por monóxido de carbano provocado por un xerador sen ventilación", segundo confirmaron a Europa Press desde a Benemérita.
En relación a este caso, confirmaron que a investigación se deu por concluída, ratificando o que se apuntou xa nun primeiro momento, que a morte se produciu por intoxicación por monóxido de carbono tras o uso dun xerador eléctrico, "sen ventilación", durante un apagamento.
O matrimonio de octoxenarios foi localizado sen vida na súa cama na parroquia de Fisteus e o fillo de ambos, de 52 anos, atopábase nun garaxe no que estaba a funcionar un xerador de corrente a combustible.
O pasado sábado sobre as 20,00 horas houbo un apagamento polo temporal, polo que entón, segundo se apuntou tras coñecerse o suceso, púxose a funcionar este xerador eléctrico, que estaba no soto e que motivou a acumulación de monóxido de carbono, que se propagou pola vivenda.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.