Por Europa Press / Redacción | MADRID | 03/01/2020 | Actualizada ás 21:30
O deputado de Bloque Nacionalista Galego (BNG) no Congreso, Néstor Rego, sinalou este venres que a decisión da Junta Electoral Central (JEC) de inhabilitar a Quim Torra como presidente da Generalitat de Cataluña é "un auténtico golpe de Estado político" e un "despropósito" xurídico.
Tras rubricar o acordo co PSOE que supón o 'si' dos nacionalistas galegos á investidura do candidato socialista, Pedro Sánchez, o deputado do BNG sinalou que a JEC "non é un tribunal" e solidarizouse tanto con Torra como co presidente de Esquerra Republicana (ERC), Oriol Junqueras, ao que o citado órgano decidiu non outorgar a credencial como eurodeputado.
Sobre o acordo subscrito co PSOE, a portavoz nacional do BNG, Ana Pontón, destacou que se conseguiu pór a Galicia no mapa político do Estado dando solucións aos problemas sociais e económicos de Galicia.
En concreto, entre outros asuntos, destacou que hai un compromiso para que haxa unha transferencia da AP-9 con rebaixa nas peaxes e avances importantes en temas como a crise da industria galega.
"É un día importante para os galegos, para que haxa solucións fronte ao que pasou no últimos dez anos. Temos un Goberno da Xunta sen alternativas e cun presidente que está fóra de xogo, máis preocupado en ser muleta de Pablo Casado que en defender os intereses do país", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.