O 061 atendeu 80 persoas debido a 59 accidentes de tráfico na ponte de Reis en Galicia, das que dúas morreron

Urxencias Sanitarias de Galicia-061 atendeu a 80 persoas debido a 59 accidentes de tráfico rexistrados durante a ponte de Reis nas estradas galegas, das que dúas faleceron.

Segundo informou o 061, a Central de Coordinación recibiu 66 chamadas en relación con sinistros entre as 15,00 horas do venres 3 de xaneiro e as 23,59 horas do luns 6. O día que rexistrou máis incidentes foi o sábado, con 22 accidentes de tráfico.

Os recursos mobilizados polos médicos do 061 ascenderon a 74. En concreto, as ambulancias realizaron 71 saídas e os equipos sanitarios de Atención Primaria prestaron asistencia en tres accidentes.

En 74 casos os feridos foron levados aos centros sanitarios correspondentes e en catro ocasións recibiron atención no propio lugar do accidente e dúas persoas morreron no punto do sinistro.

A proporción de homes atendida situouse no 63 por cento e a de mulleres reduciuse ao 37%. En canto ás idades dos feridos, o 37 por cento dos asistidos tiña entre os 40 e 54 anos.

Por provincias, a da Coruña, con 27 sinistros, foi a que rexistrou máis accidentes durante os desprazamentos da fin de semana; seguida de Pontevedra, con 21; Lugo, con sete; e Ourense, con catro.