Por Europa Press / Redacción | Santiago de Compostela | 08/01/2020 | Actualizada ás 13:53
As distraccións ao volante son a causa dun de cada catro accidentes en Galicia, comunidade que pecha un 2019 histórico nas carretas ao rexistrar o segundo mellor dato dos últimos 20 anos, con 90 falecidos, só por detrás das 76 vítimas de 2017.
O delegado do Goberno, Javier Losada, presentou o balance dos datos de sinistralidade viaria en 2019, un ano no que a Garda Civil controlou a velocidade de 3,3 millóns de vehículos, realizou 916.000 controis de alcoholemia e 9.000 de condución baixo os efectos das drogas.
As 90 vítimas mortais do ano pasado afástanse das 380 que se produciron no ano 2000. Con todo, o delegado do Goberno considerou que aínda é un dato moi elevado: "Seguen sendo moitas e queremos seguir mellorando estas cifras, por iso imos seguir traballando este ano nas mesmas liñas, con investimentos nas estradas e cun traballo intenso desde a DXT e a Garda Civil", declarou.
MÁIS ATROPELOS
En Galicia produciuse un descenso dun 13,5% -en 2018 faleceron 140 persoas nas estradas galegas-, por encima da baixada do 7,6% do conxunto do Estado. Por provincias, A Coruña tivo 41 persoas falecidas, 24 en Pontevedra, 17 en Lugo e 8 en Ourense.
En global, descenderon todos os tipos de accidentes excepto o atropelo a peóns, que sobe de 14 a 20. No seu conxunto, os colectivos vulnerables (peóns, ciclistas e motoristas) supoñen 36 mortes, un 40% do total.
ACCIDENTE TIPO
Preocupa especialmente, segundo expresou o delegado do Goberno, o número de vías en vítimas convencionais, con 79, un 88%, fronte ás 6 de autoestrada e 5 en autovías.
En canto aos tipos de accidentes, os máis comúns son a colisión (40%) e a saída de vías (37%). E as causas, un 25% son por distraccións ao volante e un 18% por levar unha velocidade inadecuada.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.