Divisións no Consello de CxG pola "Syriza galega"

Os ecogalesguistas apostaron por un pacto a dúas bandas con Anova e Esquerda Unida, pacto que foi rexeitado por Máis Galiza e centristas.

Por Xurxo Salgado | Compostela | 02/09/2012 | Actualizada ás 00:00

O Consello Político Nacional que CxG celebrou este sábado acabou con fondas divisións entre os membros desta coalición. Os ecogaleguistas, tal e como xa adiantara GC, apostaron por aceptar a proposta que Xosé Manuel Beiras lanzou este venres para crear unha gran coalición electoral que inclúa a Compromiso, Anova e EU.

Sen embargo, a maior parte dos membros de Máis Galiza e, especialmente, os militantes máis centristas e galeguistas desta fronte rexeitaron una coalición ao xeito de "Syriza" e propuxeron un pacto electoral, pero só con Anova.

Máis Galiza impónse

Segundo as fontes do Consello Político consultadas por GC, finalmente, impúxose a decisión de Máis Galiza. Con todo, a proposta dos ecogaleguistas contou co apoio de independentes de esquerdas e mesmo con algún membro do PNG-PG. O grupo liderado por Xoan Hermida e Manuel Dios analizará nos vindeiros días novas alternativas.

Así, a proposta da Comisión Executiva Nacional a respecto da coalición electoral ofertada á Anova Irmandade Nacionalista foi “nidiamente galega e progresista”. Báscuas apostou por respostas “audaces”, que permitan unha alternativa "realista" ao Partido Popular á vez que posibilitar “un proxecto político propio de longo percorrido coa aspiración de gobernar este País”. Con todo, a proposta de coalición só foi para Anova, non para EU.

Programa de mínimos

En todo caso, Bascuas insistiu na necesidade dun programa de mínimos de defensa “do autogoberno, do Estado de Benestar e da democracia con propostas realistas e axuden a mellorar a calidade de vida da cidadanía nunha época marcada polo recurte de dereitos”. Do mesmo xeito, e a pesar das datas marcadas polo adianto electoral, Báscuas afirmou que o proceso de elección de candidatos e candidatas, a Convención Nacional de Eleccións Primarias”, “vai para adiante, porque ese foi o noso compromiso e non só falamos doutras formas de facer política, se non tamén as aplicamos”. Un proceso que se concretará o vindeiro 9 de setembro.

16 Luguês

Que se juntem os anticapitalistas, esses som internacionalistas, nom galeguistas. Depois duas forças nacionalistas, umha de centro, CxG, e outra de esquerdas, o BNG.

1 Adolfo Bermúdez

Eu estaría dacordo, un partido de centro, outro de socialdemocracia e, se da o electorado, un partido verde.

2 anonimo

O falar non ten cancelas, pero a realidade é a que é.

3 anonimo

O falar non ten cancelas, pero a realidade é a que é.

15 Ricardo Reis

Estou en Portugal e venho de ler a prensa do pa'is. O que nos agarda 'e dunha dureza que non imaxinamos. E en Galicia a'inda hai quen anda xogando 'as "cocinitas": facendo guisos nos que se defenden intereses de profesionales da pol'itica que fundiron o pa'is e que agora buscan seguir sendo protagonistas dunha pel'icula de cine negro. De momento con Bascuas e coa s'ua aposta galeguista como alternativa do PP. 'E o 'unico que ten futuro neste guiso meio sal.

14 BNG "esitoso"

O BNG está tan tranquilo, que non fai máis que ter a xente nos foros adicados a falar mal de Beiras, Cuiña ou Bascuas. Pois parabéns pola súa tranquilidade supoño que baseada nos reiterados "éxitos" electorais desa fronte.

1 Lubre

Que foros quedan abertos ao BNG? Quixera conectar con algún. Grazas.

2 Daniel Castelao

Beiras, fixéchela unha, fixéchela grande, fixéchela boa!

13 Asinado

Dios los da, y ellos no se juntan. Marchei hai uns meses do BNG e teño que volver a votar BNG. Ide rañala.

1 Yes, you can!

Eu tamén!

2 bloqueira

Pois voltade, ho. As portas están abertas a tódolos galegos de nación dispostos a traballar con lealdade na casa común da esquerda galega. En bloque podemos

3 Procolass

En bloque podemos. En bloque podemos. En bloque podemos. En bloque podemos. En bloque podemos... Sodes autómatas hipnotizados polo Papa Negro, carafio.

4 Feitos de PPotitos Bledine

Procolass o que estas pouco posto niso da praxe política sobre todo cando leva a dereita española, sexa absolutista, fascista ou neoliberalgobernando este país dende os tempos de Isabel a Católica cando menos. O problema non é o bloque, que son os únicos serios neste ermo, o problema ademáis da brigada de demolición que nos goberna, o outro moito máis grave sodes o resto, a ESQUERDA PAMPEANTE que non dades probeito

12 Un do Bloque

A escisión fixo madurar a moita xente, tanto dentro do BNG como os que marcharon e xa o veremos nos vindeiros meses. Algúns lembrarán que é o BNG? e por qué e para se fixo?. Hai cousas que non me gustan do Bloque, pero miro no seu conxunto e síntome moi orgulloso de votar BNG. Agardo que moita xente de Anova, +Galiza e PNG-PG recapaciten e volvan, nun futuro cercano, ao BNG. Viva Galiza Ceive!

1 D. Quixote de Terra Cha

Eu tamén estaria no BNG se antes da escisión se "civilizaran" como parece van facer agora aceptando a Aymerich de nº 1 por Pontevedra. Por que non fixeron antes esa apertura? Se Aymerich e Beiras non se plantaran no último congresos a UPG aceptaria o que acepta agora? Ninguén o pode asegurar, pero aos feitos me remito.Culpables somos todos.