Divisións no Consello de CxG pola "Syriza galega"

Os ecogalesguistas apostaron por un pacto a dúas bandas con Anova e Esquerda Unida, pacto que foi rexeitado por Máis Galiza e centristas.

Por Xurxo Salgado | Compostela | 02/09/2012 | Actualizada ás 00:00

O Consello Político Nacional que CxG celebrou este sábado acabou con fondas divisións entre os membros desta coalición. Os ecogaleguistas, tal e como xa adiantara GC, apostaron por aceptar a proposta que Xosé Manuel Beiras lanzou este venres para crear unha gran coalición electoral que inclúa a Compromiso, Anova e EU.

Sen embargo, a maior parte dos membros de Máis Galiza e, especialmente, os militantes máis centristas e galeguistas desta fronte rexeitaron una coalición ao xeito de "Syriza" e propuxeron un pacto electoral, pero só con Anova.

Máis Galiza impónse

Segundo as fontes do Consello Político consultadas por GC, finalmente, impúxose a decisión de Máis Galiza. Con todo, a proposta dos ecogaleguistas contou co apoio de independentes de esquerdas e mesmo con algún membro do PNG-PG. O grupo liderado por Xoan Hermida e Manuel Dios analizará nos vindeiros días novas alternativas.

Así, a proposta da Comisión Executiva Nacional a respecto da coalición electoral ofertada á Anova Irmandade Nacionalista foi “nidiamente galega e progresista”. Báscuas apostou por respostas “audaces”, que permitan unha alternativa "realista" ao Partido Popular á vez que posibilitar “un proxecto político propio de longo percorrido coa aspiración de gobernar este País”. Con todo, a proposta de coalición só foi para Anova, non para EU.

Programa de mínimos

En todo caso, Bascuas insistiu na necesidade dun programa de mínimos de defensa “do autogoberno, do Estado de Benestar e da democracia con propostas realistas e axuden a mellorar a calidade de vida da cidadanía nunha época marcada polo recurte de dereitos”. Do mesmo xeito, e a pesar das datas marcadas polo adianto electoral, Báscuas afirmou que o proceso de elección de candidatos e candidatas, a Convención Nacional de Eleccións Primarias”, “vai para adiante, porque ese foi o noso compromiso e non só falamos doutras formas de facer política, se non tamén as aplicamos”. Un proceso que se concretará o vindeiro 9 de setembro.

11 saña

Dende o congreso de Amio, estes señores non dan unha, nin a dereitas nin a esquerdas, teñen mais protagonismo nos medios que na sociedade, lembrade dentro de uns meses estaran desaparecidos sin combate. So hai unha alternativa de esquerdas na Galiza a dereita centralista española, e non quero facer propaganda antes de tempo, pero esta a vista de todos.Saude e Patria.

10 Cachuzo

O maior problema do galeguismo é que non oferece alternativa centrista para ir roendo o teito electoral do PP, para conseguir nun primeiro chanzo que este partido se vaia despedindo das súas maiorías absolutas e, co tempo, mesmo substituílo como forza maioritaria. Por iso é necesario que CxG, a forza que pode desempeñar ese papel, non caia no engado dunha coalición com IU (o Bloque do PCE, non o esquezamos).

1 Adolfo Bermúdez

Exacto, o tema está en que a inmensa maioría do electorado galego identifícase co centro, sexa españolista ou galeguista, de nós depende que se convenzan que defender Galicia tamén se pode facer dende eesas coordenadas ideolóxicas.

9 Xanc

A culpa de que o Bloque baixe non é só de Beiras. Lembrades ao Irmandiño López Rico facendo a campaña a Santiso de IU nas Municipais 2011 na Coruña? Daquela disque aínda militaba no BNG... Ía aos mitins de IU e non moveu un dedo a prol de Carril. Algo influiría no desgaste... E agora quer pactar con IU? Normal! Nas seguintes Municipais pillaría de novo un carguiño no Concello. Aínda lembro as comilonas DIARIAS de Tello na Domus... cando estaba de Tenente Alcalde

1 anonimo

Coidado neno, non te mordas...

2 tiruliru

A culpa de que o Bloque baixe é do propio Bloque. Basta xa de buscar disculpas as incapacidades propias. Aqui naide mira por Galiza senón polo seu bandullo. Quen estivo facendo campaña na Coruña contra o Bloque foi o propio Bloque, varrendo a todo o que se desviara do "Carril" e os seus mantidos. A rañala!

8 O muiñeiro da Serra

Ata agora sabía de moitos galeguistas que non querian votar BNG e, segurmente, votarían outras forzas. Hoxe parecia que ían ter unha forza galeguista, nacionalista e de centro esquerda para votar. Á vista do que está pasando en C x G e ANOVA esa posibilidade vais ao lixo.Seguirán esperando e son bastantes.

1 Luguês

CxG é de centro-esquerda. Anova é de extrema-esquerda. Eu também quero umha força centrista, com gente de centro-esquerda e centro-direita. Mas nom quero pactuar cos anticapitalistas.