Por E.P. | SANTIAGO DE COMPOSTELA | 15/01/2020 | Actualizada ás 19:22
A Xerencia da área sanitaria de Santiago e Barbanza informou da incorporación de 17 novos profesións para os seus centros de saúde de forma paulatina no marco do Plan Galego de Atención Primaria que desenvolve a Consellería de Sanidade.
En concreto, trátase de seis médicos de familia, dous pediatras, seis enfermeiras, dous fisioterapeutas e un traballador social que, segundo destacou a xerencia, engádense aos 14 profesionais sanitarios incorporados á primaria compostelá en menos de dous anos.
O departamento sanitario, así mesmo, destacou que o 98,8% das accións a curto prazo comprometidas polo Sergas no plan están xa finalizadas ou en marcha, e a execución alcanza o 100% nas actuacións destas liñas estratéxicas orientadas á dotación de recursos humanos no primeiro nivel asistencial e ao reforzo da formación e docencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.