Por E.P. | A CORUÑA | 22/01/2020 | Actualizada ás 10:06
O mal funcionamento dunha estufa de queroseno provocou este mércores unha intoxicación aos tres ocupantes dunha vivenda situada na Rúa Mosteiro de Toxos, na Coruña, que foron evacuados.
Segundo informou o 112 Galicia, os afectados foron evacuados na madrugada deste mércores ao Complexo Hospitalario Universitario A Coruña (Chuac) despois de recibir os primeiros coidados sanitarios no propio domicilio.
O 112 Galicia recibiu a alerta pouco antes das 5,00 horas deste mércores, cando persoal de Urxencias Sanitarias de Galicia-061 comprobou mediante o detector de CO2 da ambulancia que había presenza de gases no interior da vivenda.
Por iso, o Centro Integrado de Atención ás Emerxencias de Galicia informou os Bombeiros da Coruña co fin de determinar a orixe da fuga que, despois de realizar as medicións correspondentes, apuntaron a "unha estufa de queroseno que queimaba mal", sinalaron as mesmas fontes de emerxencias.
Esta situación provocou a intoxicación do tres ocupantes do inmoble. En concreto, confirmaron a Europa Press fontes sanitarias, o 061 enviou dúas ambulancias de soporte vital básico que levaron ao Hospital ao home J.V.M., de 52 anos; á muller M.C.T.A., de 50 anos, e á moza A.V.T., de 26 anos.
Ademais, o operativo contou coa colaboración dos axentes da Policía Local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.