Por Europa Press / Redacción | SANTIAGO DE COMPOSTELA | 22/01/2020 | Actualizada ás 19:58
O período medio de pago a provedores de Galicia aumentou a 22,16 días en novembro, o que supón máis de tres días por encima da cifra rexistrada en outubro (18,57 días).
Con todo, o período galego segue por baixo da media de comunidades, 39,75 días --que baixa un 2,36%--. Mentres, na Administración central situouse en 26,53 días, cun aumento de 0,95 días respecto ao mes anterior. Con todo, Galicia é a segunda comunidade con menor período de pago a provedores, só con País Vasco con mellores cifras (19,29 días).
Respecto da súa composición, o cociente de operacións pagas polas comunidades situouse en 28,93 días, e a de operacións pendentes de pago, en 49,02 días --en Galicia está en 16,26 días e 28,78 días, respectivamente--. A primeira diminuíu nas comunidades en novembro respecto de outubro en 6,59 días e a segunda aumentou en 2,52.
Por autonomías, o período medio foi o seguinte: Andalucía, 26,48; Aragón, 35,99; Asturias, 26,70; Baleares, 50,59 días; Canarias, 24,88; Cantabria, 90,37; Castela e León, 33,99; Castela-A Mancha, 44,98; Cataluña, 42,53; Estremadura, 41,09; Galicia, 22,16; Madrid, 42,54; Murcia, 75,98; Navarra, 23,63; País Vasco, 19,29; A Rioxa, 40,85 días; e Comunidade Valenciana, 39,25 días.
O importe da débeda comercial das comunidades autónomas ascende a 5.090,85 millóns de euros, equivalente ao 0,41% do PIB nacional. En relación coa evolución da débeda comercial de novembro, Facenda di que se repite "o comportamento estacional habitual" nese mes e aumentou o 8,21%, equivalente a 386,36 millóns de euros.
ENTIDADES LOCAIS
En canto ás entidades locais, pagaban de media en España en novembro aos 66,06 días, aínda que o 74,83 por cento delas presentaban un período medio igual ou inferior a 30 días. Por último, o PMP rexistrado nos Fondos da Seguridade Social situouse en 11,48 días, o que supuxo un aumento de 0,28 días en relación a outubro.
Entre as principais cidades que recolle Facenda que superan os 30 días de período medio de pago atópase A Coruña, cun dato de 38,07 días.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.