A Deputación da Coruña recuperará varias baterías militares situadas no litoral de Ferrol

O presidente da Deputación da Coruña, Valentín González Formoso, avanzou este xoves a intención de recuperase as baterías militares situadas no litoral de Ferrol. Actualmente, a Deputación desenvolve un proxecto piloto na batería de Cabo Prior, para o que están "a traballar man a man" co Concello de Ferrol. Espera contar coa colaboración técnica de Exponav, a Autoridade Portuaria e o departamento de Infraestruturas do Ministerio de Defensa.

"Editamos unha guía, que se presentará proximamente, coa axuda de antigos artilleiros coñecedores desta contorna, ademais de arrombar a zona", explicou González Formoso no ciclo 'Conversas no Parador', que organiza o Club de Prensa desta cidade no establecemento hoteleiro.

Todo iso, co obxectivo de que estas instalacións sexan "motivo de orgullo e non de vergoña, tal e como ocorre a día de hoxe", pois "cando un as vai a visitar" están "esnaquizadas e cheas de lixo". Estas infraestruturas foron usada no pasado para vixiar a costa e nelas estaban instalados canóns Vickers.

"Queremos que sexa un motivo de orgullo, de recuperación de estima para esta cidade e comarca, son deberes que nos pon o alcalde (asegurou chanceando), xa que é unha materia pendente", explica.

O presidente da Deputación da Coruña, Valentín González Formoso, en Conversas co Parador. | Fonte: Europa Press