Por E.P. | CORUÑA, A | 26/01/2020 | Actualizada ás 12:30
A sección primeira da Audiencia Provincial da Coruña celebra o luns, día 27, o xuízo contra un home acusado de apropiarse de diñeiro que ía ser destinado a unha operación de importación de chatarra desde Liberia a España, segundo informa o Tribunal Superior de Xustiza de Galicia (TSXG).
A Fiscalía pide para el tres anos de cárcere. Ademais, solicita para unha empresa presuntamente implicada no caso a pena de multa de 1.594.976 euros, é dicir, o cuádruplo da cantidade obxecto de defraudación.
No seu escrito de cualificación dos feitos, o Ministerio Público sostén que o acusado, nunha data indeterminda, pero próxima a novembro de 2010, propuxo a uns terceiros o financiamento dunha operación de importación de chatarra desde Liberia e con destino a España.
O home actuaba como intermediario entre a empresa da que era administrador e que se encargaría de contratar o frete a España e vender dita chatarra a dúas empresas. Por este motivo, recibiría distintas cantidades de diñeiro, que, segundo o Ministerio Público, non destinou ao fin pactado nin tampouco retribuíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.