Temas: RAG PUNTOGAL

A RAG e PuntoGal premiarán os mellores microrrelatos en galego nun concurso para todas as idades

Por Galicia Confidencial | Santiago de Compostela | 28/01/2020 | Actualizada ás 18:23

Comparte esta noticia

A Real Academia Galega (RAG) e a Asociación PuntoGal convocaron a terceira edición do certame de microrrelatos que crearon en 2018 co obxectivo de reforzar a presenza do galego e da identidade propias no mundo dixital.

Terceira edición do concurso de microrrelatos da RAG e PuntoGal.
Terceira edición do concurso de microrrelatos da RAG e PuntoGal.

O prazo de presentación dos textos, para persoas de todas as idades, abrirase o 1 de febreiro e concluirá a finais dese mes, segundo informaron, na presentación desta iniciativa, o presidente da RAG, Víctor F. Freixanes, xunto ao presidente de PuntoGal, Manuel González, e o seu director xeral, Darío Janeiro.

Na presentación, tanto Freixanes como Manuel González incidiron na necesidade de "integrar ás novas xeracións" no uso do galego e neste obxectivo situaron o concurso.

Por outra banda, destacaron o aumento no número de participantes, pasando de 300 na primeira edición a 480 na segunda, segundo expuxeron.

Nesta edición, repartiranse nove premios, tres en cada unha das categorías distribuídas por idades para facilitar a participación de todo o público. En infantil, poderán participar nenos e nenas de ata 11 anos; en xuvenil, mozos de 12 a 17 e na de adultos, calquera persoa maior de idade.

Por outra banda, anunciouse unha nova promoción por parte de PuntoGal para rexistrar o dominio .gal durante dous anos por 15 euros máis IVE, a metade do prezo habitual.

Temas: RAG PUNTOGAL
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta