A Xunta anima os emigrados galegos a "traer" a Galicia "o coñecemento adquirido"

O secretario xeral de Emigración, Antonio Rodríguez Miranda, reivindicou a aposta polo retorno emprendedor galego favorecendo a aparición de novas iniciativas empresariais.

"Animo a todos os emprendedores galegos a traer de volta a Galicia todo o coñecemento adquirido", dixo na visita á tenda de decoración australiana 'Wombat' da retornada Kathleen McGinley, que regresou de Australia.

Na súa visita, o secretario xeral de Emigración subliñou que o Goberno galego "ten en conta os retornados galegos que traen consigo novas iniciativas empresariais que pretenden destacar a innovación do talento galego".

O responsable do departamento autonómico tamén destacou as axudas do programa de apoio ao retorno emprendedor, das que dixo que abrirán unha nova edición en próximas semanas.

Antonio Rodríguez Miranda