Por Galicia Confidencial | Compostela | 30/01/2020 | Actualizada ás 17:43
"Que falen Podemos e o PSOE. Agora o Ministerio de Educación está en mans dunha persoa de Podemos que é quen ten que autorizar esa universidade". Así se referiu o presidente da Xunta a posibilidade de que Galicia conte cunha cuarta universidade privada, impulsada por Abanca, e que ten a oposición das universidades públicas e sectores sociais e políticos.
Feijóo dixo que este tema está "en mans do Goberno central" tras o visto e bo da Xunta. De feito, e aínda que evitou apoiar claramente esta universidade, o líder popular é un dos seus grandes impulsores. "E xa hai 35 universidades privadas en España", defendeu.
Neste sentido, lembrou que a súa tramitación en Galicia non tivo alegacións e que só contou co voto en contra do BNG. Por iso, agarda que o novo Executivo central lle acabe dando vía libre.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.