Temas: AFUNDACIóN

O filósofo José Antonio Marina, protagonista do ciclo 'Educación Secúlo XXI' de Afundación

Será en senllas conferencias na Coruña e Santiago.

Por Galicia Confidencial | Santiago de Compostela | 04/02/2020 | Actualizada ás 18:59

Comparte esta noticia

Afundación, a Obra Social de Abanca, continúa esta semana, con senllos relatorios na Coruña e Santiago, co seu ciclo de conferencias 'Educación século XXI'.

O filósofo, escritor e pedagogo José Antonio Marina
O filósofo, escritor e pedagogo José Antonio Marina | Fonte: Afundación.

Ambas as conferencias estarán a cargo do filósofo, escritor e pedagogo José Antonio Marina, que participará neste foro coa conferencia 'A educación do talento. Como poñer en acción a intelixencia'.

O primeiro relatorio será este mércores, na sede de Afundación da Coruña. Ao día seguinte, farao no auditorio de Abanca de Santiago de Compostela. As prazas dispoñibles para asistir xa foron cubertas.

José Antonio Marina foi catedrático de Filosofía no instituto madrileño de La Cabrera e é doutor honoris causa pola Universidade Politécnica de Valencia. Ao longo da súa traxectoria profesional recibiu numerosos galardóns, como o Premio Nacional de Ensaio, o Premio Anagrama de Ensaio ou o premio Giner de los Ríos de Innovación Educativa.

Temas: AFUNDACIóN
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta