Xunta e Concello de Avión estudan crear "unha aldea modelo"
Por Europa Press / Redacción | OURENSE | 06/02/2020 | Actualizada ás 21:09
O conselleiro do Medio Rural, José González, reuniuse este xoves co alcalde de Avión, Antonio Montero, para coñecer as necesidades e demandas dos veciños deste municipio vinculadas co agro.
Entre os temas tratados abordaron a posibilidade de crear "unha aldea modelo" neste municipio ourensán e así "pór de exemplo de prevención e de desenvolvemento económico" a un núcleo deste concello.
En concreto, púxose sobre a mesa o núcleo de Cortegazas como posible candidato a este proxecto de recuperación de terras.
O alcalde, segundo informa a Xunta, mostrouse "moi interesado" e comprometeuse a analizar a situación actual de Cortegazas para comprobar que se axusta ás características deste tipo de proxectos de recuperación.
