Por Galicia Confidencial | | 07/02/2020 | Actualizada ás 11:35
Talawera 100 Millas non é unha carreira calquera, é a ultra máis famosa das antípodas. Forma parte, ademais, da Ultra-Trail World Tour e xa alcanzou a súa 12 edición. E nesa carreira das máis duras de Asia estará unha galega, a ultrafondista e capitana de barco Maite Rojo, a única muller de todo o Estado que tomará parte nesta carreira de 160 quilómetros.
Tarawera consta de catro distancias: 21 km, 50km, 102km e 100 millas nas que os corredores pasan polo territorio espiritual da cultura maorí, ademais de por sete lagos , bosques, fervenzas e natureza totalmente impresionante. Uns lugares idílicos, pero moi duros, algúns deles moi coñecidos mundialmente por se escenarios da saga do Señor dos Aneis.
Esta impresionante carreira atrae cada ano a uns 2000 participantes dunhas 800 nacionalidades diferentes que participan nunha proba que é puntuable para a Western States e a UTMB.
“Centrareime nas Ultras de 102 km e de 100 Millas (162km) onde destacaron nomes como Courtney Dauwalter, Camille Herron e Ryan Sandes ou Jeff Browning”, apunta Maite aludindo a catro dos grandes espcialistas destas probas. Para clasificarse nas 100 M fai falta correr unha proba de 50 km cun tracking que se poida verificar.
“Unha vez nas carreiras, se rematamos cun máximo de 17 horas no 102 km e 30 horas nas 100 M, dánnos a oportunidade de ser aceptados na Western States e 6 puntos para a UTMB”, engade sobre dúas das grandes probas do circuíto internacional de trails. “Tentarei facer historia e ser a primeira galega que finaliza esta proba nas antípodas”, asegura. E, desde as antípodas galegas desexámoslle moita sorte. Ánimo Maite!!!
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.