SOS Sanidade Pública chama a unha gran manifestación contra a "privatización" do sistema sanitario
Será este domingo en Santiago polo "deterioro" do sistema público galego.
Por Europa Press / Redacción | A CORUÑA | 07/02/2020 | Actualizada ás 14:10
A plataforma SOS Sanidade Pública fixo un chamamento ao persoal sanitario e ao conxunto da sociedade a participar este domingo na manifestación de Santiago de Compostela en contra da "privatización" da sanidade pública galega.
"Parécenos que 11 anos de política sanitaria privatizadora son suficientes e é necesario que cambie xa", sinalou, en declaracións a Europa Press, o portavoz desta plataforma, Ramón Beiras, quen pide aos galegos que se somen a esta mobilización que partirá ás 12,00 horas da Alameda compostelá.
Ramón Beiras criticou a política sanitaria levada a cabo polo presidente da Xunta, Alberto Núñez Feijóo, a quen acusa de "ir deteriorando" aos poucos o sistema sanitario galego. Por iso, ante esta situación, opina que "é necesario un cambio de goberno" que, entre outros aspectos, poña fin á deterioración da Atención Primaria , ás "inaceptables" e á precariedade do persoal da sanidade pública.
NOVO HOSPITAL DA CORUÑA
En concreto, no caso da Coruña, Beiras tachou de "oferta de campaña electoral" o recente anuncio da Xunta de ampliar o Chuac da Coruña.
"Mentres non vexamos a oferta de licitación non nolo cremos", asegura o portavoz de SOS Sanidade Pública, que demanda á Xunta máis seriedade e que presente un "plan concreto" sobre o futuro hospital coruñés.
