Rescatan catro persoas atrapadas nas súas casas por un incendio nun baixo da Coruña

Os bombeiros utilizaron un vehículo de altura para rescatar catro persoas atrapadas na súa vivenda por un incendio no baixo dun edificio situado na avenida de Hércules, na Coruña.

Segundo informa o 112 Galicia, o lume orixinouse nun local de ensaios de actividades na planta baixa. Todo comezou sobre as 22,00 horas do sábado, cando a central de emerxencias recibiu a primeira chamada de alerta dun particular.

No seu relato, esta persoa indicaba que ardía un baixo dun edificio que nese momento estaba ocupado por varias persoas que enseguida abandonaron no lugar.

Tras iso, o 112 puxo en marcha un dispositivo no que participaron os bombeiros da Coruña, que utilizaron un vehículo de altura para chegar ata as persoas atrapadas debido ao fume que chegaba ata as súas casas.

Tamén acudiron ata o edificio a Policía Local, Protección Civil e os servizos sanitarios, que desprazaron unha UVI móbil por precaución, aínda que non chegaron a utilizala.

Aínda que o lume xa foi extinguido, á primeira hora da mañá deste domingo os bombeiros aínda continuaban no lugar do incendio para arrefriar a zona.

Camión de bombeiros | Fonte: Consorcio Provincial de Bombeiros de Ourense