O fin de semana sáldase con 46 accidentes de tráfico

Urxencias Sanitarias de Galicia-061 atendeu 59 persoas.

Por E.P. | SANTIAGO DE COMPOSTELA | 10/02/2020 | Actualizada ás 11:12

Comparte esta noticia

Urxencias Sanitarias de Galicia-061 atendeu 59 persoas debido a 46 accidentes de tráfico rexistrados o fin de semana nas estradas galegas. O sábado, con 20, foi a xornada con máis sinistros.

Segundo informou o 061, a Central de Coordinación recibiu entre as 15,00 horas do venres 7 de febreiro e as 23,59 horas do domingo 9 un total de 61 chamadas en relación con accidentes de tráfico.

Os recursos sanitarios mobilizados polo 061 ascenderon a 68. En concreto, as ambulancias realizaron 63 saídas e os equipos sanitarios de Atención Primaria prestaron asistencia en cinco accidentes.

En 54 casos os feridos foron trasladados aos centros sanitarios correspondentes e en cinco ocasiones recibiron atención no lugar do accidente.

A proporción de homes atendida ascendeu ao 54 por cento e a de mulleres situouse no 46%. En canto ás idades dos feridos, o 23 por cento dos asistidos tiña 70 anos ou máis.

A Coruña, con 22 sinistros, foi a provincia con máis accidentes de tráfico durante os desprazamentos do fin de semana; seguida de Pontevedra, con 15; Ourense, con seis; e Lugo, con tres.

Ambulancia do 061. 061-GALICIA - Arquivo
Ambulancia do 061. 061-GALICIA - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta