Trasladada unha persoa ao Clínico de Santiago cun profundo corte na gorxa
A Policía Local evita dar datos e o 061 confirma que se mobilizaron dúas ambulancias.
Por Galicia Confidencial | Santiago de Compostela | 13/02/2020 | Actualizada ás 10:03
Un home foi trasladado na mañá deste xoves ao Hospital Clínico de Santiago cun profundo corte na gorxa segundo puido saber Galicia Confidencial.
A Policía Local dixo descoñecer o acontecido. Foi o 061 o que confirmou que, efectivamente, sobre as 08.15 deste xoves foron mobilizadas dúas ambulancias, unha de soporte vital básico e outra de soporte vital avanzado para atender a un home no barrio do Restollal que foi inmediatamente trasladado ao hospital.
Segundo testemuñas consultadas por Galicia Confidencial, tería sido o home o causante da ferida ao autolesionarse cun coitelo. Previamente ameazara con tirarse dun alto. Ademais, e segundo esas mesmas fontes, un axente tería sido atendido tamén no lugar dos feitos por un desmaio.
