O litoral galego mantén o aviso laranxa por temporal para este martes
As ondas poderán superar os cinco metros.
Por E.P. | SANTIAGO DE COMPOSTELA | 17/02/2020 | Actualizada ás 16:39
O litoral galego manterá este martes, 18 de febreiro, o aviso laranxa por mar de fondo do noroeste con ondas superiores aos cinco metros de altura.
Segundo o Boletín de tempo meteorolóxico con avisos, recollido por Europa Press, este martes será o último día dos efectos da borrasca 'Dennis' no mar, con ondas que aínda que superarán o cinco metros, baixará a altura ao catro metros ao final da xornada.
Deste xeito, ata as 12,00 horas o aviso será laranxa en todo o litoral, tras o que seguirá nas Rías Baixas ata as 15,00 horas; e na Costa da Morte e no noroeste da provincia da Coruña ata as 18,00 horas.
Despois, como na Mariña desde as 12,00 horas, o aviso pasará a amarelo por mar de fondo do noroeste con ondas de catro a cinco metros de altura.
