Pintos denuncia golpes, humillacións e ameazas da Policía
O responsábel comarcal da CIG en Ferrolterra, Xesús Anxo López Pintos, foi detido e posto en liberdade con cargos polas protestas que os traballadores do naval realizaron no acto de pegada de carteis do PP en Ferrol. Vídeo no interior.
Por Galicia Confidencial | Ferrol | 06/10/2012 | Actualizada ás 01:17
O sindicalista relata a súa experiencia e denuncia que lle negaron atención médica na comisaría e que recibiu máis golpes, ameazas e humillacións dos axentes da Policía Nacional. Láiase de que a xente ao seu arredor "miraba para outro lado" mentres lle zoscaban e confesa que chegou a "sentir medo".
Pintos tamén denuncia que os axentes "son tipos que dan a matar, que non miran onde dan nin nada". E agradeceu a "solidariedade dos compañeiros e compañeiras" da CIG, aos que, di, tamén golpearon cando tentaron velo na comisaría. Pintos acusa aos policías de "tortura".
O sindicalista foi detido despois da protesta de obreiros do naval que tentaron boicotear a pegada de carteis do PP en Ferrol.
