Os prezos industriais crecen un 0,3% en xaneiro en Galici

Os prezos industriais creceron un 0,3% en xaneiro en Galicia en relación co mesmo mes do ano anterior, de acordo cos datos que publica este luns o Instituto Nacional de Estatística (IINE). En evolución mensual, en xaneiro respecto de decembro, os prezos na industria de Galicia aumentaron un 0,4%.

Por tipo de bens, os únicos que rexistraron unha caída en termos interanuais foron os bens de consumo duradeiro, cun -4%. Pola súa banda, a enerxía experimentou un crecemento do 0,6% e os bens de equipo do 0,2%. Os bens de consumo non duradeiro mantiveron estables os seus prezos industriais.

A nivel nacional, os prezos industriais subiron un 1,1% en xaneiro en relación ao mes anterior e retrocederon un 0,8% en taxa interanual, moderando nun punto a caída que experimentaran en decembro (-1,8%).

Con este recorte interanual, os prezos industriais encadean oito meses consecutivos en taxas negativas despois de estar 32 meses en positivo.
wg

Variación mensual do índice de prezos industriais en Galicia. | Fonte: Europa Press