Feijóo iniste no seu argumento electoral de que a Galicia lle dan menos que a Cataluña e Euskadi
Asegura que non calará "ante un atropelo" como a decisión de non devolver o IVE ás autonomías.
Por E.P. | A CORUÑA | 26/02/2020 | Actualizada ás 12:35
O presidente da Xunta, Alberto Núñez Feijóo, volveu a denunciar "improvisación" na política enerxética e industrial do Goberno, ao que acusou de favorecer a Cataluña e País Vasco co estatuto electrointensivo que presentou.
"Queremos competir, non que nos corten as ás", dixo no Foro Galicia sobre 'Innovación e Sustentabilidade na Industria Galega', celebrado na Coruña e promovido polo diario 'El Economista', ao que asistiu tamén o conselleiro de Economía, Emprego e Industria, Francisco Conde.
Nel, Feijóo reivindicou a Galicia com unha autonomía "solvente", "viable" e que "cumpriu co déficit público ano tras ano", pero denunciou os "problemas" aos que se enfronta e que vinculou coa xestión do Goberno central tanto en referencia á súa política enerxética e industrial como os prazos de chegada do AVE ou a súa postura sobre os 200 millóns que a Xunta lle reclama polo IVE correspondente a decembro de 2017.
E é que o presidente do Executivo galego denunciou a "asimetría" que, na súa opinión, se produce na xestión do Goberno central en relación ao trato dunhas autonomías respecto doutras. Así, considerou que se estaría falando dun Estado "semifeudal", no que se perde "a noción da nación", se a axenda política se centra en falar de "Madrid-Barcelona ou Vitoria-Madrid".
