Os apartamentos turísticos cómenlle clientes ás casas rurais

Os usuarios de establecementos rurais diminuíron un 10,5%, mentres que os viaxeiros en pisos aumentaron un 13%.

Por E.P. | SANTIAGO DE COMPOSTELA | 28/02/2020 | Actualizada ás 11:23

Comparte esta noticia

Os viaxeiros aloxados en apartamentos galegos aumentaron un 13,3% no mes de xaneiro, en comparación cun ano antes, mentres que os usuarios de establecementos rurais diminuíron un 10,5% no mesmo período.

Así o reflicten os datos feitos públicos este venres polo Instituto Nacional de Estatística (INE) en relación á ocupación dos establecementos extrahoteleiros en Galicia no primeiro mes do ano.

Segundo eles, os apartamentos turísticos galegos acolleron en xaneiro a 4.560 viaxeiros, un 13,3% máis que un ano antes. Pola súa banda, as pernoctacións aumentaron un 55,3% no mesmo período, ata as 15.348, dado que a estancia media aumentou de 2,45 a 3,37 días entre xaneiro de 2019 e xaneiro de 2020.

Na mesma liña, os usuarios dos cámpings practicamente se duplicaron no mesmo período, de 108 a 207 viaxeiros, e as pernoctacións creceron un 62,8%, ata as 368.

Fronte a iso, os viaxeiros aloxados en establecementos galegos de turismo rural diminuíron un 10,5% no primeiro mes do ano en comparación co mesmo dato de 2019. Rexistráronse, en concreto, 4.047 usuarios e 6.052 pernoctacións, un 24,3% menos que hai doce meses.

Evolución das pernoctaciones extrahoteleras a nivel nacional en xaneiro
Evolución das pernoctaciones extrahoteleras a nivel nacional en xaneiro | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta