Por E.P. | SANTIAGO DE COMPOSTELA | 05/03/2020 | Actualizada ás 13:48
O director do Instituto Galego de Promoción Económica (Igape), Juan Cividanes, destacou a importancia de que as pemes do sector audiovisual "sigan apostando" pola dixitalización, porque isto lles permite "incrementar" a súa competitividade, a súa presenza a nivel internacional e "adaptarse" ao mercado.
Segundo informou a Xunta, manifestouno este xoves durante o encontro informativo sobre dixitalización e Industria 4.0 organizado polo Goberno galego e o Clúster Audiovisual Galego. Cividanes tamén subliñou o traballo de colaboración con "todos os axentes" do sector audiovisual para "impulsar" a transformación tecnolóxica do tecido produtivo a través das iniciativas promovidas pola Axenda Industria 4.0.
Así, a Xunta sinalou que a liña de axudas de Maquinaria 4.0, que ten como obxectivo "reforzar" a estandarización do sector e "facilitar" a compra de tecnoloxía galega, continúa aberta ata o 7 de abril.
Nesta liña, destacou que a presentación de solicitude de axudas da convocatoria para proxectos Industria 4.0 acaba o 31 de marzo. A través desta, apoiarán ata seis iniciativas colectivas para implantar a fábrica intelixente en ámbitos da economía galega, cun importe máximo de 1,5 millóns para cada proxecto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.