Por Europa Press / Redacción | Ferrol | 08/03/2020 | Actualizada ás 18:25
A Xunta Xeral de Confrarías e Irmandades da Semana Santa de Ferrol suprimiu todos os beixamáns e beixapés ás imaxes de Xesucristo, da Virxe e de calquera outro santo como medida de contención do coronavirus.
Este órgano relixioso explica que esta medida se adopta para "seguir as indicacións" do Bispado da Diocese de Mondoñedo-Ferrol.
No canto dos beixamáns e beixapés, a Xunta Xeral de Confrarías e Irmandades avoga por "outras mostras de respecto e devoción como a inclinación de cabeza".
A Semana Santa de Ferrol súmase así ás numerosas celebracións relixiosas de España que tiveron que modificar algunha das súas actividades con motivo da incidencia do COVID-19, que afecta a case 600 persoas en todo o Estado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.