A actriz e directora teatral Flor Maceiras, Premio de Honra Marisa Soto

A xunta directiva da Asociación de Actores e Actrices de Galicia (AAAG) concedeu á actriz, directora e docente teatral Flor Maceiras o 'Premio de Honra Marisa Soto', que será entregado durante a gala dos Premios de Teatro María Casares, segundo informa. Este ano o evento terá lugar no Teatro Rosalía Castro da Coruña o 26 de marzo.

Con este galardón, a xunta directiva quere recoñecer "o labor inxente dunha actriz e docente cuxa traxectoria se pode definir polo seu amor incontestable pola escena". "Un amor que lle inculcou Manuel Lourenzo e que Flor Maceiras lle transmite ás novas xeracións de profesionais do noso oficio desde a Escola Municipal de Narón, institución referencial no sector", engade.

Como actriz, ademais, Maceiras traballou ao longo das décadas con compañías como Elsinor Teatro, Teatro do Noroeste, Teatro do Atlántico, Teatro Proscrito, Teatro Maltés ou o Centro Dramático.

A actriz Flor Maceiras, 'Premio de Honra Marisa Soto'. ASOCIACIÓN DE ACTORES E ACTRICES DE GALICIA | Fonte: Europa Press