'O Tío Marcos d'a Portela' e outras 150 publicacións históricas xa se poden consultar online
A RAG incorpora á biblioteca dixital 75 títulos de revistas e xornais históricos.
- Galicia impulsa unha rede europea de academias de linguas minorizadas
- A aparición en medios de comunicación, principal motivo para a procura dunha palabra no dicionario da RAG
Por Europa Press / Redacción | A CORUÑA | 11/03/2020 | Actualizada ás 18:03
A Real Academia Galega (RAG) ofrece online máis de 150 publicacións periódicas históricas tras os últimos traballos de dixitalización, segundo informa. En concreto, a institución incorporou á biblioteca dixital 75 títulos.
'O Tío Marcos d'a Portela', o primeiro xornal en galego cunha tiraxe regular; 'As Roladas', o primeiro intento de revista infantil en galego ou diversas publicacións impulsadas desde a emigración figuran entre as novas incorporacións.
Coas incorporacións realizadas, son xa 122 as revistas e xornais editados entre o século XIX e a primeira metade do século XX disponiblesen este espazo na rede, mediante o labor de dixitalización.
Ademais, a RAG segue ofrecendo a través da súa web outros 29 títulos, de maneira que, segundo sinala, "as publicacións periódicas da súa hemeroteca dispoñibles en liña son xa máis de 150".
