O deputado do BNG no Congreso decide permanecer en Madrid por "prudencia e responsabilidade"
Faino despois de que a Xunta de Galicia e o Goberno de España aconsellase a pasada xornada evitar viaxes e mobilizacións innecesarias ante a crise do coronavirus.
Por Europa Press / Redacción | SANTIAGO DE COMPOSTELA | 13/03/2020 | Actualizada ás 10:42
O deputado do Bloque Nacionalista Galego no Congreso, Néstor Rego, tomou a decisión de permanecer en Madrid por "prudencia e responsabilidade" ante a situación social que está a provocar o coronavirus e ante a chegada a Galicia de xente procedente de Madrid que ten casa ou chalet para pasar os veráns e que están acudindo agora para fuxir da capital, tal e como informou Xornal de Vigo.
Así o transmitiu o nacionalista esta mañá de venres a través do seu Twitter, despois de que a Xunta de Galicia e o Goberno de España aconsellase a pasada xornada evitar viaxes e mobilizacións innecesarias.
Ademais, esta semana Rego tamén asistiu en Madrid a dúas reunións da Xunta de Portavoces do Congreso, polo que cre que "a decisión correcta" é quedar en Madrid ante o risco de ser un potencial contaxiado por COVID-19.
Na mesma mensaxe asegurou que se atopa "perfectamente" ben, pero con esta medida pretende protexer aos seus, á súa xente e a Galicia en xeral, xa que Madrid é o principal foco de contaxio de España.
