Por E.P. | A CORUÑA | 13/03/2020 | Actualizada ás 19:51
Esculca, Observatorio para a Defensa de Dereitos e Liberdades, interpuxo unha queixa ante o Defensor do Pobo denunciando "a inexistencia de médico" na prisión de Teixeiro.
En concreto, explica que interpuxo a queixa "a fin de que pola Oficina do Defensor do Pobo se incoe o pertinente expediente de queixa".
Faino pola "inexistencia de médico por vacante dos postos dentro do servizos médicos do centro penal de Teixeiro" e por "violación dos dereitos fundamentais consagrados", entre os que cita o dereito á saúde.
E é que esta entidade afirma ter coñecemento de que os servizos médicos da prisión de Teixeiro "carecen de médico para prestar asistencia sanitaria aos presos e presas".
Asegura tamén ignorar "os motivos que determinan dita situación", pero engade que os presos que demandaron consulta médica trasladóuselles "por vía verbal, que non é posible por falta de facultativo que a preste".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.