Por Galicia Confidencial | SANTIAGO DE COMPOSTELA | 15/03/2020 | Actualizada ás 20:00
"Os hemos escuchado aplaudiendo en los balcones y ha sido muy emocionante. Estamos juntos en esto y nosotros estamos dispuestos a darlo todo. Nos ayudas? Quédate en casa. Este aplauso es para vosotros".
Con estas palabras e cunha gran ovación final, o persoal sanitario do Servizo de Urxencias do hospital Mateu Orfila de Menorca quixo agradecer a multitudinaria homenaxe que a poboación dedicou a todos os traballadores dos hospitais dende os balcóns de diferentes puntos do estado na noitiña deste sábado.
E é que cando deron as dez en punto, o silencio das rúas baleiras de todas as cidades rompeu con vigorosos aplausos para mostrar o apoio á sanidade pública e ao persoal sanitario que está traballando sen descanso para curar os casos de coronavirus que se van reproducindo en todo o Estado. Esta quedada foi organizada rapidamente a través das redes sociais e obtivo unha resposta multitudinaria.
No vídeo que veñen de lanzar ás redes, os sanitarios apelan a cidadanía a cumprir coas medidas de confinamento aprobadas polas autoridades.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.