Denuncian un vertido no Miño ao seu paso por Ourense

Un vertido de augas residuais percorreu onte un tramo do río Miño ao seu paso por Ourense. Tratábase de “augas fedorentas con moita carga orgánica e escuma de cores” que foi localizada fronte a Santa Cruz de Arrabaldo.

Segundo fontes ecoloxistas o vertido saíu dunha tubaxe que vai dar a unha planta de procesamento de produtos avícolas pero, polo momento, non se coñece o responsable. O feito xa foi comunicado ao 112 e Amigos da Terra e Sociedade Galega de Historia Natural anunciaron a intención de presentar unha denuncia formal.

Este feito ten lugar dous días despois de porse en marcha o Estado de Alerta en todo o estado o que implica restrición de movementos.