Aprovisionamento de alimentos e medicidas para os máis vulnerables en Verín

Este novo servizo extraordinario vai dirixido a todas aquelas persoas maiores que vivan soas e/ou teñan mobilidade reducida para facilitarlles a chegada de produtos de primeira necesidade.

Os beneficiarios e beneficiarias, que xa foron debidamente informados/as da súa activación, serán tanto os usuarios e usuarias dos Servizos Sociais e de Dependencia do Concello como os/as rexistrados/as nas listas de espera dos respectivos servizos.

Se algunha persoa do Concello de Verín, que sexa maior e estea soa, necesita  este servizo pode chamar ao 988414776 ( Servicos Sociais) de luns a venres, en horario de 9:00 a 14:00 horas.