O BNG cre que o despregamento do Exército é para "dar unha mellor resposta a situación de emerxencia"
Ana Pontón insiste en limitar todas as entradas a Galicia e di que se teñen que adoptar "máis medidas".
Por Europa Press / Redacción | SANTIAGO DE COMPOSTELA | 17/03/2020 | Actualizada ás 21:15
A portavoz nacional do BNG, Ana Pontón, insistiu en que se teñen que "blindar" todas as fronteiras de Galicia e non unicamente limitar a circulación con Portugal, co fin de conter a propagación do virus covid-19. E neste contexto tamén se referiu á presenza do Exército en varias poboacións galegas asegurando que están para "dar unha mellor resposta á situación de emerxencia".
Á pregunta de que opina do despregamento militar para controlar á cidadanía, a portavoz nacional do BNG considerou que "as medidas hai que valoralas en función da situación de excepcionalidade" e se o seu labor é a de "desinfección" ou "resposta sanitaria", entende que "é algo excepcional nun contexto moi difícil" e dar unha "mellor resposta á situación de emerxencia" polo que rexeitou outro tipo de valoracións.
Ademais, a líder do Bloque advertiu de que "se deben adoptar máis medidas" para "salvagardar a vida das persoas" e, neste sentido, "paralizar toda a actividade económica que non sexa indispensable" co fin de protexer aos traballadores e "frear" a expansión do virus.
Tras iniciar a súa intervención cunha alegación de "orgullo" e "agradecemento" a todas as persoas galegas polo seu "esforzo" para loitar contra o virus, garantiu que o BNG seguirá traballando para "estar á altura" da situación
