Por Europa Press / Redacción | Santiago de Compostela | 22/03/2020 | Actualizada ás 13:34
O presidente da Xunta, Alberto Núñez Feijóo, recriminoulle esta mañá ao presidente do Goberno, Pedro Sánchez, a falta de material sanitario nos hospitais de toda España, segundo informan a Europa Press fontes autonómicas.
Foi durante a videoconferencia que mantiveron a partir do dez desta mañá os presidentes rexionais co xefe do Executivo. Este último estaba acompañado do catro ministros que forman a autoridade delegada nesta crise: o titular de Sanidade, Salvador Illa; a de Defensa, Margarita Robles; o de Interior, Fernando Grande-Marlaska; e o de Transportes, Mobilidade e Axenda Urbana, José Luís Ábalos.
Os máis incisivos nestas críticas foron dous presidentes autonómicos do PP, a presidenta da comunidade de Madrid, Isabel Díaz Ayuso e Alberto Núñez Feijoó, unha estratexia que xa comezou o propio Pablo Casado hai uns días.
O Goberno anunciou este sábado que está a negociar a compra de material de protección individual, de máis de 700 respiradores e de test para detectar o coronavirus. De feito, Pedro Sánchez anunciou que negocian unha operación de compra de 6 millóns de test rápidos. Con todo, a queixa é que este material non chegha aos centros hospitalarios, que se atopan ao límite dos seus recursos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.