Coñece como funcionan as probas para detectar o coronavirus COVID-19

A técnica utilizada para detectar o coronavirus é a PCR, que traducida do inglés é a “reacción en cadea da polimerasa”. Aínda que nos soe como algo novo, foi deseñada polo Nobel de Química Kary Mullis nos anos 80 do pasado século.

As PCR utilízanse cada día en miles de laboratorios de todo o mundo para determinar paternidades, identificar cadáveres e detectar enfermidades. E agora son o instrumento máis útil para detectar o coronavirus COVID-19.

Moléculas en Galego creou esta infografía para explicarnos en que consisten estas probas.

Infografía que explica como funciona o test do coronavirus | Fonte: Moléculas en galego (@moleculas_gal en Twitter).