Por Europa Press / Redacción | A CORUÑA | 24/03/2020 | Actualizada ás 17:28
O Colexio Oficial de Psicólogos de Galicia e o colectivo farmacéutico da Coruña elaboraron un decálogo con consellos para coidarse durante o confinamento e que se poden consultar a través das diferentes redes sociais.
Explican que desde ambas as profesións levan tempo constatando "as dificultades a que se enfrontan moitos pacientes, persoas maiores ou en diferentes circunstancias, para afrontar esta situación".
Entre as recomendacións, están buscar información en fontes fiables, en concreto do sector sanitario e a través de fontes oficiais, "descartando outras mensaxes que nos chegan a través de Whatsapp ou redes sociais de dubidosa ou descoñecida autoría".
Os colectivos tamén animan a ser solidario e na medida do posible non saír de casa e manter unha "actitude positiva e responsable".
O decálogo lembra que as emocións teñen un papel adaptativo e son necesarias "e para poder axudarnos se vemos que son moi intensas están os profesionais sanitarios como farmacéuticos, psicólogos, médicos e enfermeiras", citan, entre outros colectivos, desde o Colexio de Farmacéuticos da Coruña.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.