Xa son 30 os mortos e case 1.600 os contaxios
Morren dúas novas persoas este mércores na Coruña e en Pontevedra.
Por Europa Press / Redacción | SANTIAGO DE COMPOSTELA | 25/03/2020 | Actualizada ás 12:07
Os falecidos en Galicia con coronavirus aumentaron a 30 en Galicia tras transcender o falecemento doutro tres pacientes infectados na Comunidade galega, que rexistra 1.598 casos de infectados.
Segundo os datos facilitados pola Consellería de Sanidade, o número de falecidos ascende a 30 persoas tras a morte de dous homes de 82 anos ingresados no Complexo Hospitalario Universitario A Coruña e outro home de 74 anos hospitalizado no Montecelo de Pontevedra. O tres tiñan patoloxías previas.
Segundo os datos de Sanidade deste mércores, os infectados en Galicia aumentaron a 1.598, o que supón 224 máis que este martes cando había 1.374. Do total de casos, 389 corresponden á área da Coruña; 99 á de Lugo; 186 á de Ourense; 202 á de Pontevedra; 396 á de Vigo; 288 á de Santiago e 38 á de Ferrol.
Dos pacientes con positivo en Galicia, 69 permanecen en UCI, 409 en unidades de hospitalización e 1.120 atópanse no seu domicilio, concretou Sanidade. Ata a data na Comunidade galega rexistráronse 25 altas de pacientes e realizáronse 7.936 test para detectar coronavirus en Galicia.
