Morren 17.000 pitos no incendio dunha granxa en Meis

Calcinou toda unha planta das dúas que tiña a nave.

Por Europa Press / Redacción | PONTEVEDRA | 27/03/2020 | Actualizada ás 10:11

Comparte esta noticia

Un incendio declarado na madrugada deste venres nunha nave dedicada á explotación de pitos, situada no concello pontevedrés de Meis, calcinou por completo a primeira planta do inmoble e o tellado, o que provocou a morte de todas as aves, unhas 17.000, que estaban no seu interior.

Segundo informou o 112 Galicia, este incidente tivo lugar ás 4,30 horas deste venres no lugar Cabeza de Boi. O servizo de emerxencias recibiu a chamada de axentes da Garda Civil que alertaron dun lume nunha granxa de explotación de pitos na parroquia de Armenteira.

Por iso, por parte do Centro Integrado de Atención ás Emerxencias (CIAE) pasouse aviso aos Bombeiros do Salnés, aos voluntarios de Protección Civil da localidade e a Uxgencias Sanitarias de Galicia-061, por se fose necesaria a súa intervención nalgún momento.

Tras chegar ao lugar dos feitos, os membros do Servizo de Prevención Extinción de Incendios e Salvamento procederon a atallar as chamas e controlaron o foco do incendio. Aínda que ningunha persoa sufriu danos, os 17.000 pitos que había na granxa morreron.

Despois de finalizar a intervención, os bombeiros confirmaron que o lume calcinou por completo a primeira planta, das dúas das que se compón a nave, e afectou tamén ao tellado da edificación.

Pitos
Pitos | Fonte: GARDA CIVIL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta