As mortes en hospitais en Galicia elévanse a 121, tras rexistrarse 17 falecidos

A morte dun home de 74 anos de idade diagnosticado de coronavirus, pero con patoloxías previas, e que estaba ingresado no Hospital Juan Cardona de Ferrol, eleva o balance de vítimas mortais a 121 falecidos pola pandemia de coronavirus na Comunidade galega, segundo informan as autoridades sanitarias.

Desta forma, as vítimas mortais rexistradas en hospitais de Galicia durante este martes elévanse a 17. No entanto, a este balance habería que engadir os falecidos fóra de centros hospitalarios, como a sexta vítima rexistrada no xeriátrico DomusVi de Cangas (Pontevedra), un dos dous centros intervidos pola Xunta (xunto á residencia DomusVi do barrio vigués de Barreiro).

Así, esta xornada faleceron tamén tres homes de 75, 83 e 85 anos que estaban ingresados no Complexo Hospitalario Universitario de Santiago, unha muller de 91 anos que era atendida no Hospital Universitario Lucus Augusti de Lugo e un home de 58 asistido no Complexo Hospitalario Universitario de Ourense. Todos presentaban patoloxías previas.

Tamén morreron este martes catro homes de 70, 78, 79 e 90 anos no Hospital Álvaro Cunqueiro de Vigo; así como dous homes de 86 e 92 anos que eran asistidos no Complexo Hospitalario Universitario da Coruña.

Así mesmo, faleceron este martes un home de 86 anos no Hospital Virxe da Xunqueira de Cee (A Coruña); dous homes de 71 e 91 anos no Hospital Universitario Lucus Augusti; e unha muller de 85 anos e un home de 88 anos no Complexo Hospitalario de Ourense.

Desta forma, o balance por áreas sanitarias mantén á da Coruña como a máis afectada, con 37 pacientes con COVID-19 mortos, mentres que en Vigo rexistráronse 21 falecementos, en Ourense 20, en Santiago 16, en Lugo 10, en Ferrol 9 e en Pontevedra 8.

Un auxiliar de enfermería protexido contra o coronavirus transporta unha padiola desde unha ambulancia para trasladar un enfermo | Fonte: Miguel Núñez