Aumentan as persoas que viven soas en Galicia, máis mulleres ca homes
Son 5.000 máis (+1,8%), segundo os datos que publica este xoves o Instituto Nacional de Estatística (INE).
Por Europa Press / Redacción | SANTIAGO DE COMPOSTELA | 02/04/2020 | Actualizada ás 18:46
As persoas que viven soas en Galicia eran 283.600 en 2019, o que supón 5.000 máis (+1,8%) que o ano anterior, segundo os datos que publica este xoves o Instituto Nacional de Estatística (INE).
Entre estas, hai 126.600 que teñen 65 ou máis anos, aínda que neste caso son 2.200 menos que un ano antes, o que representa un descenso do 1,7%.
Do total de persoas que viven soas en Galicia, hai 134.000 homes e 149.600 mulleres. En cambio, a repartición entre os maiores de 65 anos é máis desigual, xa que o 72,8% son mulleres (92.200), mentres o 27,2% son homes (34.400).
Pola súa banda, Galicia suma 1.088.700 fogares no seu conxunto, o que supón 5.600 máis que un ano antes, o que supón un 0,5% máis que un ano antes. Por provincias, o maior número de fogares está na Coruña (451.000), seguida de Pontevedra (367.400), Lugo (136.300) e Ourense (132.900).
