Por Europa Press / Redacción | SANTIAGO DE COMPOSTELA | 02/04/2020 | Actualizada ás 19:57
A denominada plataforma de Autónomos Unidos de Galicia (AUG) convocou para este venres unha 'cazolada' para reclamar "medidas xustas" para este colectivo, coas que paliar as consecuencias da crise sanitaria do coronavirus.
Este colectivo, que di representar máis de 300 profesionais galegos, chamou a participar na protesta, que terá lugar ás 18,00 horas.
O seu portavoz, Javier Varquero, afirmou que o Goberno "non pode deixar caer" os seus negocios e os "millóns de empregos" que xeran os autónomos, polo que reclaman a "suspensión inmediata do pago de impostos, subministracións, alugueres, préstamos e hipotecas".
"Somos máis de 3.200.000 autónomos e o Goberno aproba unhas medidas coma se non existísemos, coma se as empresas fosen seres vivos independentes e sen dereitos", engadiu o portavoz de AUG, que tamén pediu que os autonómonos non teñan que pagar a súa cota "mentres dure a crise sanitaria".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.