Inditex sobe no Ibex no medio da crise
A téxtil incrementou un 16% a cotización en bolsa esta semana.
Por Galicia Confidencial | A Coruña | 10/04/2020 | Actualizada ás 22:35
Inditex subiu esta semana en bolsa un 16% esta semana tras semanas de baixadas consecutivas. A téxtil rematou a semana a 25,26 euros a acción, un 15,98% por encima do venres pasado. A compañía xa está a medio camiño entre os ao redor de 32 euros por acción que valía antes da pandemia e os 18,50 euros aos que se chegou a caer no peor desta crise.
A empresa fundada por Amancio Ortega foi unha das que máis creceu no Ibex. De feito pasou dun 7,42% o pasado luns a un 15,98% este xoves, pasando as accións de valer 21,78 euros a 25,26 euros.
Segundo apunta o xornal elespañol.com, esta situación débese ao clima de optimismo xerado nos mercados italiano e español pola estabilización da pandemia. Ademais isto coincide coa boa imaxe da compañía a nivel internacional tras colaborar co goberno español e propiciar a chegada a España de 35 millóns de máscaras, ademais das que doadas, a través de toda a súa plataforma loxística.
