Investigan as causas da morte dun bebé en Vilagarcía

O corpo non presentaba indicios de violencia e non consta como morte por coronavirus.

Por Europa Press / Redacción | SANTIAGO DE COMPOSTELA | 11/04/2020 | Actualizada ás 11:48

Comparte esta noticia

A Policía Nacional iniciou unha investigación sobre as circunstancias que rodean ao falecemento dun menor este xoves, un bebé duns poucos meses, no seu domicilio en Vilagarcía.

Ás 11,20 horas, o 061 recibiu un aviso no que se solicitaba asistencia sanitaria para un pequeno, nun inmoble da Rúa Cervantes. Ata alí desprazáronse efectivos médicos cunha unidade de soporte vital avanzado, ataviados con equipos de protección individual (EPI) seguindo o protocolo ante a crise sanitaria pola COVID-19 e que confirmaron o falecemento do pequeno.

Ata o lugar tamén se desprazaron efectivos da Policía Local e da Policía Nacional, que iniciou unha investigación sobre o sucedido. Segundo as fontes consultadas por Europa Press, o corpo non presentaba indicios de violencia e a primeira hipótese apunta a unha morte súbita.

A pesar diso e por precaución, todos eles acudiron con equipos de protección sanitaria, aínda que non consta de ningún falecemento deste tipo no cómputo do Sergas por coronavirus. O tema xa foi trasladado ao xulgado.

Policía Local © Miguel Nuñez
Policía Local © Miguel Nuñez

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta