Por Galicia Confidencial | Pontevedra | 13/04/2020 | Actualizada ás 19:11
O proxecto Boa Vida no Rural que se desenvolve en Pontedeva e Padrenda fixo un vídeo colaborativo entre veciños que con moito amor queren que chegue a todo o mundo que lle poida vir ben un pouco de luz nestes tempos confusos.
Dende este proxecto seguen acompañando á comunidade, especialmente a quen máis o necesita, persoas maiores que viven soas e/ou necesitan apoio e escoita, así como a todos os axentes sociais que continúan traballando neste momento. Para iso habilitaron o teléfono 604 23 72 44 onde calquera persoa da zona pode chamar para compartir, falar, resolver dúbidas sobre axudas ou calquera outra cuestión.
Á súa vez, mantense o traballo co grupo de mozas e mozos Compartimos Lecer, buscando novas opcións para verse a través de aplicacións, así como impulsando diferentes actividades e propostas comunitarias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.