Comezan as probas de carga que Adif levará adiante nos viadutos do tramo Pedralba de la Pradería-Ourense
As probas de carga consisten na localización de distintas configuracións de carga sobre a estrutura, co fin de verificar que "o comportamento estrutural do viaduto corresponde co previsto" e, concreta Adif, "certificar que a construción se levou a cabo de forma satisfactoria".
Por E.P. | SANTIAGO DE COMPOSTELA | 15/04/2020 | Actualizada ás 10:31
Adif Alta Velocidade acomete as probas de carga e inspección dos viadutos de Requejo e Pedregales, no tramo Pedralba de la Pradería-Ourense, correspondente á Liña de Alta Velocidade Madrid-Galicia.
"Con estas actuacións dá comezo a fase de probas do último tramo en execución do acceso de alta velocidade a Galicia", destacou Adif nun comunicado de prensa, no que indica que "o test forman parte dos estudos previos necesarios para a explotación comercial da LAV".
As probas de carga consisten na localización de distintas configuracións de carga sobre a estrutura, co fin de verificar que "o comportamento estrutural do viaduto corresponde co previsto" e, concreta Adif, "certificar que a construción se levou a cabo de forma satisfactoria".
Para estes ensaios, nos viadutos de Requejo e Pedregales emprégase un tren composto por locomotora e ata seis vagóns-tolva cargados de balasto. "As probas que se realizan son tanto estáticas como dinámicas, neste caso a distintas velocidades de circulación", indicaron as mesmas fontes.
En total, nesta fase vanse a realizar probas de carga e/ou inspeccións nun total de 35 viadutos e 39 pasos inferiores de todo o tramo Pedralba-Ourense, incluíndo a adaptación do traxecto Taboadela-Ourense.
